ТҮРКІСТАН ҚАЛАЛЫҚ ОРТАЛЫҚ АУРУХАНАСЫНДА БҮЙРЕК ТАС АУРУЫН ЕМДЕУДІҢ ЗАМАНАУИ ЖАҢА ӘДІСІ ЕНГІЗІЛДІ

Биыл Түркістан қалалық орталық ауруханасында 15 ультрамини — перкутанды нефролитотрипсия отасы сәтті орындалды.
Дистанционды соққы – толқынды литотрипсияның немесе ретроградтық интраренальды хирургияның арасында кездесетін тиімсіздігінен әлемдік тәжірибеде ультрамини — перкутанды нефролитотрипсия (УМПН) отасы енгізілген. УМПН — тастарды емдеудің жоғары тиімді әдісі (тиімділігі 95% жетеді) перкутанды нефролитотрипсия әдіске қатысты бірқатар артықшылықтарға ие.
Негізгілерінің бірі-қан кетудің минималды қаупі, операцияның дренажсыз (нефростомиясыз) аяқталуы және бүйректің өзі де, оның қуыс жүйесі де минималды жарақаттануы. Соның арқасында пациенттер отадан кейін 3-4 күнде стационардан шығарылады.

Тасты алып тастау отасы кезінде дәрігерлер өте жұқа және жіңішке құралдарды қолданады. Тасқа диаметрі 3 мм тесу арқылы қол жеткізіледі, тас ұсақталып, ультрадыбысты литотриптермен жойылады. Бірнеше жыл бұрын мұндай диагнозы бар науқастарға бүйір тұсынан 1,0 см тесу арқылы ота жасалынып келген. Бұл әдіс өз кезегінде бүйрекке көптеу жарақат келтіреді, науқастың стационарда жату ұзақтығы артып, ота кезінде және отадан кейінгі кезеңде қан кету қауіпін жоғарлатады.

Бұл ауру көбіне 20 — 50 жас арасында кездеседі.
Бүйрек тастары бүйірдің ауырсынуы, бүйрек шаншуы шабуылдары, гематурия, пиуриямен бірге жүреді. Егер тастарды алмаған жағайда, зәрдің ағуы бұзылып, асқынулар дамуы мүмкін.