М.ӘЙТЕНОВ ЖАҢА КӘСІПОРЫНДАРДЫ АРАЛАДЫ

Шымкент қаласы «Тассай» индустриалды аймағында орналасқан «Аlem luxury» ЖШС-нің құрылысы жуырда аяқталды. Жиһаз өндіруге бағытталған фабрика жылына 5 мың өнім өндіруге әлеуеті бар. Жобаны жүзеге асыруға 500 млн теңге тартылған. Қала әкімі Мұрат Әйтенов индустиалды аймақты аралау барысында кәсіпорынның жұмысымен танысты.

Келесі нысан – «DentaFill Kazakhstan» ЖШС. Дәрілік және гигиеналық заттарды өндіретін компания жылына 10 млн дана өнім шығаруға әлеуеті бар. Бүгінде нысанның құрылысы аяқталып, қажетті құралдармен жабдықталуда. Одан кейін М.Әйтенов «Smart eng» жиһаз фабрикасында болды. Жылдық әлеуеті 120 мың жиһаз өндіретін кәсіпорын жақын арада ресми түрде өз жұмысын бастағалы тұр. Нәтижесінже 100 адам жұмыспен қамтылмақ.

Аумағы 2 га жерге орналасқан фабриканың құрылысы 2021 жылы басталып, оған 750 млн. теңге инвестиция тартылған.

–Кәсіпорын ашуға ықылас білдірген кәсіпкерлердің барлығына өз тарапымыздан түрлі бағытта қолдау көрсетуге дайынбыз. Қаламызда зауыт, фабрикалардың көптеп салынуы қала экономикасына оң әсерін тигізумен бірге, азаматтарымыз тұрақты жұмыспен қамтылады. Ендігі кезекте жұмысшылардың еңбек шарттарында көрсетілген барлық қауіпсіздік шаралары қамтамасыз етілуі керек, -деді қала әкімі.

Сондай-ақ бүгін «MASOOD TEXTILE MILLS» және «FAYYAZ SONS» атты пәкістандық ірі тоқыма компанияларының өкілдерімен кездесу өтті.
Кездесу барысында қонақтарды «Оңтүстік» арнайы экономикалық аймағының қызметімен және жергілікті «Azala Textile», «Назар Текстиль», «Шымкент Кашемир» сынды басқа да жергілікті кәсіпорындардың өндірістік алаңдары таныстырылды.
«АГФ Групп «ӨК» ЖШС басшысымен келіссөздер қорытындысы бойынша «MASOOD TEXTILE MILLS» компаниясы мен ресейлік «Gloria Jeans» компаниясы үшін киім тігуге қатысты алдын ала келісімдерге қол жеткізілді. Егер, хабардар болсаңыздар, «MASOOD TEXTILE MILLS» компаниясының жылдық айналымы — 300 млн. доллар. Фабрикада 20 мыңнан астам адам жұмыс істейді. Бұл компаниямен әлемге әйгілі Adidas, MercedesBenz, Ferrari, Tommy Hilfiger, Calvin Klein, Amazon, Mango, Zara, Next, Pull&Bear, H&M және т. б. брендтер серіктес болып табылады.