ҚЫЗ ТӘРБИЕСІ – ҰЛТ БОЛАШАҒЫ
Сауран ауданы, Шорнақ елді мекеніндегі А.Байтұрсынов атындағы атындағы жалпы орта мектебінде қыз балалардың мінез-құлқын тәрбиелеу бойынша түсіндірме жұмыстары жүргізілді. Шараның мақсаты оларды нәзіктікке баулу, отбасындағы алатын орны, ептілік пен шеберлік қалыптастыру, сондай-ақ қыздардың сұлулық, әсемдік, жақсы қарым-қатынас секілді ұғымдарды таныстыруға бағытталды.
Жиында қыз балаларға жыныстық жетілу кезеңінде өздерінде болып жатқан физиологиялық және психоэмоционалдық өзгерістер туралы айтып, пікір алмасты. Қоғамда қыз балаларға қамқорлық таныту, жан жылулығын сезіндіру, қыз баласына тән белгілі бір ұнату сезімін бастан кешіру кезінде түсініспеушілік болса, оған қыздардың мұңайып, өздеріне жамандық жасамауы туралы айтылды. Тек қана рухани тұрғыдан емес қыздарымызды таза, әсем, жарасымды киім киіп, өздерін күтуге, шаш өруге, шаштарын соңғы сән үлгісімен өздеріне жарасатындай етіп қиюға кеңес берді.
Сонымен бірге Сауран аудандық полиция бөлімінің Әйелдерді зорлық зомбылықтан қорғау тобының инспекторы, полиция лейтенанты К.Калданова қыздардың өз құқықтырын біліп, мектепте қыз балалардың тәрбиесіне, заман талабына сай бойжеткен идеалын қалыптастыруға және мінез-құлық критерийлерін нақты айқындауға ерекше көңіл аудару қажеттігі туралы түсіндіріп өтті.
