ТҮРКІСТАН ҚАЛАСЫ ӘКІМІ «ШАУҒАР» СЕКТОРЫ ТҰРҒЫНДАРЫМЕН КЕЗДЕСТІ

Атқарылған жұмыс көп, кезегін күткен шаруа да шаш етектен. Бүгін «Шауғар» тұрғын алабы тұрғындарымен кездескен Түркістан қаласының әкімі Нұрбол Тұрашбеков аумақта жүзеге асатын жоспарлар туралы айтып, бірқатар мәселелер бойынша пікірлесті.

Бұл секторда жалпы көше саны- 165, оның 45-і асфальттанған, тас төселген көшелер саны- 65, 76 көшесі жарықтандырылған.

Биыл бұл секторда 11 көше: Сабырханов, Р.Дастанова, Ж.Шанин, Ә.Маргулан, Қазыбеков, М.Тұрсынов, Хамза, Б.Байтасов, Ш.Уәлиханов, М.Шаяхметов, Н.Төреқұлов атындағы көшелер жөнделеді.

Ауыз су жүйесімен қамтылмаған 14 көшеде су жүйесінің құрылысын кезең-кезеңімен жүргізу жоспарланған. Сонымен қатар, 205 шақырым кәріз жүйесін жүргізу көзделген. Қосымша 2 трансформатор орнату бойынша да жұмыстар атқарылуда.

Сектор тұрғындары шаһар басшысына өтініштерін жеткізіп, ұсыныстарын аяқсыз қалдырмауды өтінді.