СПОРТ КЛУБ: Еңбек қызметкерлері бақ сынады

Бүгін Сауран ауданы әкімдігінің мәдениет, тілдерді дамыту, дене шынықтыру және спорт бөлімінің ұйымдастыруымен «Сауран ауданы спорт клубында» Туркістан облысының қалалық, аудандық спорт клуб мекемелерінің қызметкерлері арасында гір тасын көтеру және тоғызқұмалақ ойындарынан жарыс өткізілді. Айта кетейік, Гір көтеру спортының тарихы тым тереңде жатқанымен, дәстүрлі спорт ретінде тек 1985 жылы ғана мойындалып, ресми бекітілді. Ауыр атлетика спортының бір түріне жататын гір тасын көтеруді Шығыс Еуропа халықтары ойлап тапқан. Ал бұл спорт түрі қазақ жеріне XIX, ХХ ғасырларда келгенін әйгілі Қажымұқан, Балуан Шолақ балуандарымыздың жәрмеңкелерде гір тасын көтерудің жарқын үлгісін көрсеткенінен білеміз. Ал оғыз-құмалақ өткен ғасырларда қазақ даласындағы ең кең тараған ойын болатын. Қазақи аңыздарға сенетін болсақ, тоғызқұмалақ ойынын қарапайым қойшылар ойлап тапқан. Тоғызқұмалақ тақтасы ретінде олар жерді қазып, арнайы шұңқырлар жасаған.
Жарысқа Сауран, Келес, Отырар, Созақ, Жетісай аудандары мен Түркістан, Кентау қалаларынан құралған 8 команда қатысты.
Жалпы командалық есеп бойынша Сауран ауданының спорт клубы II — орынды иеленді.
I-орынды Жетісай ауданы иемденіп, II-орын Отырар ауданына бұйырды.
Жарысқа қатысып, белсенділік танытқан барша командаға алғыс айтамыз