СПОРТҚА ҚОЛЖЕТІМДІЛІК: ӘКІМ ХАЛЫҚ ҰСЫНЫСТАРЫН НЕГІЗІНДЕ НАҚТЫ ТАПСЫРМАЛАР БЕРДІ
Шымкент қаласының әкімі Ғабит Сыздықбековтің тұрғындармен өткізген көшпелі кездесулерінде спорт инфрақұрылымын дамыту мәселесі – басты тақырыптардың бірі болды.
Кездесулер барысында бірқатар шағынаудандардың тұрғындары өз аудандарында спорттық нысандардың жетіспеушілігіне қатысты мәселелерді көтерді.
Тұрғындардың нақты өтініштері
-
Бозарық шағынауданының тұрғыны Нұрлан Уткелбаев өз аудандарында спорт кешенінің жоқтығын жеткізді.
-
Азат шағынауданынан келген Мақсат Тоғызбаев заманауи спорт нысанын салу қажеттігін атап өтті.
-
Әл-Фараби ауданының тұрғыны Қарлығаш Рахиева болса, Орталық саябақта спорттық іс-шараларды өткізу қажеттігін тілге тиек етті.
Әкімдік нақты қадамдарға көшті
Қала әкімі аталған ұсыныстар бойынша жауапты сала басшыларына нақты тапсырмалар беріп, қажетті зерделеу жұмыстарын жүргізуді міндеттеді.
Зерделеу нәтижесінде:
-
Бозарық шағынауданында заманауи спорт кешенінің жобалық-сметалық құжаттамасы әзірленіп жатыр. Құжат мақұлданғаннан кейін құрылыс жұмыстары 2026–2027 жылдарға жоспарланған.
-
Азат шағынауданында спорт нысанына арналған жер телімін анықтау жұмыстары жүргізілуде.
-
Бұдан бөлек, бұқаралық спортты қолдау мақсатында 1 қазан – Халықаралық қарттар күніне орай Орталық саябақта шахматтан ашық турнир өткізу жоспарланды. Оған түрлі жастағы қала тұрғындары мен ардагерлер қатысады.
Қалалық спорт – әр тұрғын үшін қолжетімді болуы тиіс
Шағынаудандарда спорт нысандарын көбейту, бұқаралық спортты дамыту – дені сау қоғам қалыптастырудың басты алғышарты.
Әкімдік халықтың ұсынысына құлақ асып, нақты істермен жауап беруді жалғастырады.
