«Еңбек адамының жастарға тәрбиесі»

Сауран ауданы әкімдігі ішкі саясат бөлімінің «Жастар ресурстық орталығы» КММ-нің ұйымдастыруымен Бабайқорған ауылдық округінің жастары арасында «Жастар life» жобасы өткізілді.

Жастарға арналған бұл жобаның негізі мақсаты ауыл жастарының тыныс тіршілігімен танысу, белсенді жастардың ортасын қалыптастару, мемлекеттік бағдарламаларды кеңінен насихаттап қолдау білдіру, жастар саясатын қолдауға, және ерікті жастар санын көбейте отырып бірлесе жұмыс күшін көбейту болып табылады.

Бабайқорған ауылдық округінің өнерлі жастары «Жастар Life» жобасына белсене ат салысыты.

Іс-шараға Бабайқорған ауылдық округінің әкімі орынбасары А.Назарбаева, Абай ауылдық Мәдениет үйінің меңгерушісі Е. Дуйсенбеков, Сауран аудандық аналар алқасының төрайымы Н.Жұманова және Сауран аудандық «Жастар ресурстық орталығы» КММ-нің басшысы Айгерім Ералықызы қатысып жастармен еркін форматта пікір алмасып, жастарға сәттілік тіледі. Сонымен қоса өнерлі, талантты жастар ән айтып, би- билеп өз өнерлерін көрсетті.

Жігіттеріміз болса ұмыт болып бара жатқан көкпар, қазақша күрес,тоғыз құмалақ, арқан тартыс, аударыспақ асық ату секілді денсаулыққа пайдалы ұлттық ойындарымызды жастар арасында кеңінен дәріптей білді.

Ақ жаулықты анамыз Сауран аудандық аналар алқасының мүшесі Анарбаева Анаркүл апамыздың өз қолынан жасалған қол өнер бұйымдарынан жасақталған кішігірім музейіменде толық танысу мақсатында ат басын бұрған болатынбыз. Мұнда Анаркүл апамыз ұлттық құндылықтарымызды ауыл жастарының санасына сіңіру жолында әрі келешек ұрпаққа мұра ету мақсатында өзінің ауыл жастарына арнап ашқан үйірмесінің кереметтей жұмыстарын мәселен тоқыма тоқу, ұршық үйіру, күбі пісу, құрт жаю, кесте тоқу секілді дәстүрлерімізді дәріптейтін жұмыстарымен таныстырды.

Ұрпақтар сабақтастығы ретінде ашылған музейге ауыл жастарының қызығушылығы өте жоғары. Мұнда жүзге жуық жастар ұлттық өнерімізбен, нақыштарымызды, бұйымдарымызды үйрену үшін Анаркүл апамыздан тәжірибе алмасып, өнердің қыр-сырын үйреніп жүр.

Ауылда жеке кәсібін ашып шаруаларын жүргізіп отырған жастар, адал еңбектерінің нәтижесін көрсетті.

Жастарға қолдау білдіріп шараға белсенді түрде атсалысқан барша жанға ерекше алғыс білдіреміз.