Еңбек адамы Алимжанова Нұршолпан

Әлеуметтік жұмыс — әлеуметтік ауыспалықты қамтитын, халыққа белгілі бір уәкілеттілік пен еркіндікті ұсынатын, олардың әлеуметтік игілігін күшейтетін әлеуметтік жұмыс саласындағы мамандықтар. Тәртіп теориясы мен әлеуметтік жүйелер тәжірибесінде қолдана отыра, адамдардың қоршаған факторлармен өзара әрекеттесетін салада әлеуметтік жұмыс жүргізіледі. Әлеуметтік жұмыстағы негізін қалаушы қағидалар болып – адам құқығы мен әлеуметтік әділеттілік қағидалары табылады. Кейіпкеріміз Алимжанова Нұршолпан Сұлтанғалиқызы 1993 жылы 7 – сәуір күні Сауран ауданы, Ұшқайық ауылдық округі, Нұртас ауылында дүниеге келген.
Амангелді жалпы орта білім беретін мекемесінде 11 білім алған, Түркістанда гуманитарлық техникалық колледжінде білім алған. Осыдан кейін «Айгүл» балабақшасында 2 жыл тәрбиеші маманы болып қызмет атқарған. Шымкент аймақтық педагогикалық университетінде орыс тілі және әдебиеті мұғалімі мамандығын жоғарғы білім ретінде оқып, тәмәмдаған. Диплом бойынша 21 колледжде орыс тілі пәні мұғалімі ретінде 4 жыл қызмет атқарған. Құқықтану саласы бойынша Шымкент университетінде 2 жылдық білім алған. Дәл осы диплом бойынша Сауран ауданы халықты жұмыспен қамту орталығында тіркеу бөлімінің маманы ретінде қызмет атқарып келе жатыр. Жұмыспен қамту орталығына 2021 жылы 9 – тамызда орналасқан. Тамыз айынан қаңтар айына дейін мониторинг бөлімінің басшысы ретінде қызмет атқарған. 2023 жылдың шілде айынан бастап, жұмыс берушілерді қолдау бөлімінің басшысы болып қызмет атқарып келе жатыр.
Әлеуметтік сала – өте қызық сала. Күнде халықпен кездесу, әсіресе аз қамтылған отбасылар, осал топтағы азаматтар, қоғамдық жұмыс, жастар практикасы, әлеуметтік жұмыс орны, алғашқы жұмыс орны, «күміс жас бағдарламасы. Осы бойынша бөлім тарапынан түскен ваканцияларды бекітеді.
Біздің бөлімде 18 жастан 50 жасқа дейінгі азаматтармен жұмыс жасайды. «Күміс жас» деген бағдарлама бойынша жұмыс орны 3 жыл қаржыландырады. Одан кейінгі жылдары өздеріне тұрақты жұмыс ретінде қызметін атқарып кетеді. «Алғашқы жұмыс орны» деген бағдарлама бойынша тұлғаның есепшотына мүлдем зейнет ақы түспеген немесе оқу орнын аяқтаған соң, белгілі бір себептерден жұмыс жасамаған азаматтарды осы бағдарлама аясында көмек қолын созады. «Жастар практикасы» бағдарламасы аясында қолында дипломы бар жастарды әсіресе 2019-2023 жыл аралығында бітірген тұлғаларды жұмысқа орналасуға көмек көрсетеді.
«Қоғамдық жұмыс» бағдарламасы аясында қоғамға жанашырлық таныту мақсатында сенбіліктер ұйымдастырылып, тазалыққа жастарды жұмылдырады.
Кейіпкердің айтуынша «мектеп бітіріп яғни18 жастан асқан тұлғадан, зейнеткерлік жасына дейін әлеуметтік жағынан көмек көрсетуге жағдай жасаймыз» — дейді.
Әлеуметтік сала мүлде танысық болмаса да, бір бүйрегі тартып тұрған екен. Білім саласында 6 жыл еңбек өтілімі бар маманға әлеуметтік сала қызық көрінген.