МӘСЛИХАТТЫҢ КЕЗЕКТЕН ТЫС XXXII СЕССИЯСЫ: АУЫЗ СУ, БЮДЖЕТ ЖӘНЕ ЦИФРЛЫҚ ИНФРАҚҰРЫЛЫМ
Сауран аудандық мәслихатының кезектен тыс XXXII сессиясы аудан әкімдігінің аппараты ғимаратының мәжіліс залында өтті. Оған аудан әкімінің орынбасары Серік Садибаев, аудандық мәслихат депутаттары, ауылдық округ әкімдері, дербес бөлім басшылары және БАҚ өкілдері қатысты.
Күн тәртібінде екі маңызды мәселе қаралды:
-
Аудан аумағындағы ұялы байланыс және интернет желісін жақсарту шаралары. Бұл тақырыпта аудан әкімдігінің ақпараттандыру және мемлекеттік қызмет көрсету мониторингі бөлімінің басшысы Асқар Дайрабаев егжей-тегжейлі баяндама жасады. Ол қазіргі таңда ауданда интернет сапасын арттыруға бағытталған жобалар мен атқарылып жатқан жұмыстар жайлы толық мәлімет беріп, алдағы жоспарларды ұсынды. Депутаттар тарапынан байланыс пен интернет қызметтерінің сапасын одан әрі жақсарту жөнінде бірқатар нақты сұрақтар қойылып, ұсыныстар талқыланды.
-
2025–2027 жылдарға арналған ауылдық округтердің бюджетін қайта қарау және өзгерістер енгізу. Аудандық экономика және қаржы бөлімінің басшысы Ильяс Сұлтанғалиұлы Мырзахметов бюджет баптарына енгізілетін нақты түзетулер туралы баяндама жасады. Ол ауылдық округтердің әлеуметтік-экономикалық дамуына сай қаржы бөлінісін оңтайландыру қажеттігін атап, депутаттардың қарауына ұсынды.
Сессия соңында халықтың әлеуметтік жағдайын жақсартуға бағытталған нақты ұсыныстар мен шешімдер қабылданып, күн тәртібіндегі мәселелер бірауыздан мақұлданды. Мәслихат мүшелері ауданның дамуына тың серпін беретін маңызды мәселелерді ашық талқылап, ортақ шешімге келді.
