ӘСКЕРИ ПАТРИОТТЫҚ ЖИЫН ӨТТІ
Сайрам аудандық Қ.Жандарбеков атындағы мәдениет үйінде «Күз — 2023» және «Жас сарбаз» атты салтанатты іс-шарасы өтті. Аталған жиынға Сайрам ауданы әкімінің орынбасары Аңсар Өсербаев қатысты, деп хабарлайды аудан әкімінің баспасөз қызметіне сілтеме жасаған oninfo.kz ақпараттық агенттігі.
Жиын аудан жастарына патриоттық тәрбие беруді және Отан алдындағы борышын адал атқаруды насихаттауға арналған.
Іс-шара барысында аудан әкімінің орынбасары Аңсар Өсербаев
ерен еңбектері үшін Түркістан облысы Қорғаныс істері жөніндегі департамент басшысының орынбасары, подполковник Кулдербаев Жандос Тыныбекұлын, Ұлттык қауіпсіздік комитетінің генерал — майоры Исабеков Ақжігіт Балтайұлы мен КР Таулы Қарабахтағы этносаралык қақтығыстарды реттеуге қатысқан урыс кимылдарының ардагері Базарбаев Ергали Рузимұлы және
Қостанай облысының «Таулы Қарабахтағы этносаралық қақтығыстарды реттеуге қатыскан ұрыс кимылдарының ардагерлері» Қоғамдық бірлестігінің төрағасы Амандосов Батырхан Сидазимовичке құттықтау марапаттары табысталды.
Бұдан бөлек, іс шарада Таулы Қарабақ этносаралық қақтығысына қатысқан жауынгерлер туралы бейнеролик ұсынылды.
