ТҮРКІСТАН: «ДИПЛОММЕН АУЫЛҒА» БАҒДАРЛАМАСЫМЕН 13 МЫҢНАН АСТАМ ЖАС МАМАН ЖҰМЫС ТАПҚАН
2010 жылдан бері күні бүгінге дейін жалғасып келе жатқан «Дипломмен ауылға» бағдарламасының жұмыссыз жастарға тигізген пайдасы орасан. Жоба мақсаты — ауылдық елді мекендерге жұмыс істеуге келген жастарға жағдай жасап, оларға көмек беру болатын. Бағдарлама аясында дипломын енді ғана қолына алған жас мамандарға мемлекет тарапынан біржолғы жәрдемақы мен қажеттілігіне қарай тұрғын үй сатып алуы үшін төмендетілген пайызбен несие ұсынылды.
Түркістан облысында аталған бағдарламамен қазіргі таңға дейін 13 182 маманға 2 млрд 563,4 миллион теңге көлемінде көтерме жәрдемақы берілген. Сондай-ақ, 4 032 маман 13 млрд 742,5 миллион теңгеге тұрғын үйлі болған.
Бағдарлама биыл да өз жұмысын тоқтатқан жоқ. 2023 жылғы жоспарға сәйкес, 1 537 маманға 530,6 миллион теңге көлемінде қаржы үлестіру көзделген. Биылғы жылдың 9 айында 383 маманға 132,1 миллион теңге берілген. Сонымен қатар, жыл басынан бері 391 маман бюджеттік несиемен баспаналы болған.
