Айыппұл және қамауға алу: жалған ақпарат таратқан блогерлер жауапқа тартылады
Сенат депутаттары екі оқылымда «Онлайн-платформалар және онлайн-жарнама туралы» заң қабылдады.
Қазақстанда блогерлер жалған ақпарат таратқаны үшін әкімшілік жауапқа тартылады.
Заңда Қазақстан Республикасының Әкімшілік құқық бұзушылық туралы кодексі жаңа 456-2 баппен толықтырылды. Онда онлайн платформа пайдаланушылары мен блогерлерге жалған ақпарат таратқаны үшін әкімшілік жауапкершілік қарастырылған.
Әкімшілік айыппұл сомасы:
жеке тұлғалар үшін 20 АЕК;
кәсіпкерлік қызметпен айналысатын блогерлер үшін – 30 АЕК;
шағын кәсіпкерлік субъектілері, коммерциялық емес ұйымдар үшін — 40 АЕК;
орта кәсіпкерлік субъектілері үшін – 80 АЕК;
ірі кәсіпкерлік субъектілері үшін-100 АЕК.
Сондай-ақ бір жылда қайтадан құқық бұзғаны үшін:
жеке тұлғаларға — 40 АЕК немесе 10 тәулікке дейінгі мерзімге әкімшілік қамауға алу;
блогерлерге — 15 АЕК мөлшерінде айыппұл немесе 15 тәулікке дейінгі мерзімге әкімшілік қамауға алу;
шағын кәсіпкерлік субъектілері мен коммерциялық емес ұйымдарға — 60 АЕК;
орта кәсіпкерлік субъектілеріне — 120 АЕК;
ірі кәсіпкерлік субъектілеріне — 250 АЕК көлемінде айыппұл салынады.