ТҮРКІСТАН: СОЗАҚТА АЛТЫН ҚҰРСАҚТЫ 200 АНАҒА ҚҰРМЕТ КӨРСЕТІЛДІ
Түркістан облысы, Созақ ауданы бойынша «Бақ нұры» іскер әйелдер қоғамдық бірлестігінің белсенді мүшелері батыр әжелерге құрмет көрсетіп, естелік сыйлық табыстады.
Аудандық «Бақ нұры» іскер әйелдер қоғамдық бірлестігінің төрайымы Нұржамал Майусова өз сөзінде: «Шуақты көктемнің мерекесінде саналы ғұмырында еліміздің демографиялық жағдайына өлшеусіз үлес қосып, бүгінде отбасылық құндылықтарды сақтауда көпшілікке үлгі болып отырған алтын құрсақты әжелерге құрмет көрсеттік», деді.
Барлық ауыл округтері бойынша 200-ден аса батыр аналарға орамал жабылып, естелік сыйлықтар табыс етілді. Бала тәрбиелеуге бағытталған өмірімен көпшілікке үлгі бола білген аналар әрдайым құрметке лайық.
