Шымкент: №66 маршрут сызбасы Тұран-2 шағын ауданына дейін ұзартылды

Шымкент қаласы жолаушылар көлігі және автомобиль жолдары басқармасына қала тұрғындары тарапынан келіп түсетін өтініштер негізінде, №66 маршрут сызбасы Тұран-2 шағын ауданына дейін ұзартылды, деп хабарлайды oninfo.kz ақпараттық агенттігі.

Сонымен қатар, №66 автобус маршруттарының қозғалыс кестесі 16/11 болып өзгертілді. Яғни, жұмыс күндері 16 автобус ал, демалыс күндері 11 автобус жолаушыларды тасымалдайды. Бұрын аталған маршрут Темірші әуле аялдамасынан Отырар шағын ауданы аралығында қатынайтын. Бүгінде «Темірші әулие – Тұран -2 шағын ауданы» бағытында жолаушыларды тасымалдауда. Жылжымалы құрамды жаңарту мақсатында, 2020 жылы газ метанмен жүретін 590 жаңа автобус сатып алынған. Қазіргі уақытта барлық автобустар қалалық тұрақты маршруттарға тартылып, күнделікті тұрғындарды тасымалдауда. Аталған автобустарды газ отынымен қамтамасыз ету үшін 2 газ станциясы қызмет көрсетуде. Ал үшінші станцияның салу үшін инвестор анықталып, жер учаске бөлінген. Қазіргі таңда құрылыстың басталуына дайындық қызу жүріп жатыр.

Қалалық жолаушылар көлігі және автомобиль жолдары басқармасының дерегінше, қазіргі уақытта Шымкент қаласында 78 тұрақты қалалық маршрут қызмет көрсетеді, күнделікте маршруттарға 843 автобус шығады. Қалады жалпы автобустардың саны резервпен қосқанда 1000 автобусты құрайды. Жеке меншік нысанындағы 10 компания жолаушыларды тасымалдау қызметін көрсетуде. Ал, пайдалану мерзімі 3 жылға дейінгі автобустар саны 890 автобус немесе 89 пайызды құрайды. 2021 жылы Шымкент қаласындағы қоғамдық көліктерде «Төлем» электрондық төлем жүйесі енгізілді. Бұл жүйенің артықшылығы — төлемдердің ашықтығын, тасымалдаушылардың кірістілігін және қалалық бюджетке салық түсімдерін арттыруға мүмкіндік береді. Сондай-ақ, жергілікті атқарушы органдардың әлеуметтік маңызы бар тасымалдарды ұтымды субсидиялауына мүмкіндік беріп, көлік жүйесінің бюджетін қалыптастыруға таптырмас құрал болып саналады.