ШЫМКЕНТ: ТҰРҒЫНДАР ҚАУІПСІЗДІГІ БАСТЫ НАЗАРДА

Қала әкімі Мұрат Әйтеновтің төрағалығымен биылғы жылы қала аумағына орнатылатын бейнебақылау камералары бойынша мәжіліс өтті, деп хабарлайды oninfo.kz ақпарат агентті қалалық әкімдіктің баспасөз қызметіне сілтеме жасап.

Құқық бұзушылықтарды алдын алу және анықтау мақсатында елді мекендерде бейнебақылау жүйелерін қалпына келтіруді және бақылау аумағын одан әрі кеңейтуді қамтамасыз ету мақсатында, Шымкент қаласының Полиция департаменті 2022 жылға арналған мекенжай бағдарламасын әзірлеп, ағымдағы жылы 200 жол қауіпсіздігін қамтамасыз ететін және 800 жалпы бейнебақылау камералары орнатылатын болады.

Жиын барысында былтырғы жылы орнатылған бейнебақылау камераларының тиімділігін арттыру мақсатында анализ жасап, орнатылған нүктелерді қайта қарау мәселесі де талқыланды.

Естеріңізге сала кетсек, 2021 жылы Шымкент қаласының цифрландыру басқармасы «Smart City» эталондық стандарына сәйкес, қалалық полиция департаментімен бірлесе отырып, қаланың қауіпсіздігін қамтамасыз ету мақсатында 100 көше қиылысына және 200 желілік учаскеге, сондай-ақ, 1500 жалпы бейнебақылау камераларын штатты режимде іске қосып, қалалық Полиция департаментінің жедел басқару орталығымен ықпалдастырған болатын.

Қазіргі таңда қалада жалпы 14 500 бейнебақылау камералары жұмыс істейді.

М.Айтенов қала аумағына орнатылатын бейнебақылау камераларын қаладағы қылмыстық көрсеткіші жоғары нүктелерге орнату және бейнебақылау камераларының барлығын қалалық Полиция департаментінің жедел басқару орталығымен ықпалдастыру бойынша сала басшыларына тапсырмалар жүктеді. Қазіргі таңда, қала тұрғындарың қауіпсіздігін қамтамасыз ету мақсатында Жедел басқару орталығының қызметкерлері тарапынан қала аумағындағы көше қиылыстары мен тұрғын үйлердің аулаларында жалпы саны — 3868 бейне камералар орнатылған. Сонымен қатар, көшелердің 121 қиылыстарында автоматты түрде тіркейтін интеллектуалды камерасының 1089, жол бойында тұрған 800 данасы және 1979 айналмалы бейнебақылау камерасы арқылы тұрақты қызмет атқаруда.