Түркістан: Орталық Азиядағы ең ірі 100 мың қой басына лайықталған мал бордақылау алаңы ашылады

Нысан Бәйдібек ауданында бой көтереді. Алаң құрылысы 2019 жылдың маусым айында басталады деп күтілуде. Бұл жобаны инвестор ретінде «Salurbey Group» түрік компаниясы қолға алып отыр. Нысанның құны 20 млн. долларды құрайды. Бордақылау бекеті 2500 гектар жерге салынады деп жоспарлануда. Компания өкілдерінің айтуынша, алаң аумағында малдың жүнін қайта өңдейтін және ет пен сүт, айран, йогурт, ірімшік шығаратын цех іске қосылады. Сонымен қатар, жоспарда 1500 гектарға жем-шөп өсіру қаралған.
«Salurbey Group» компаниясының басшысы – Ибрагим Айдын Салюрбейдің айтуынша, жоба аясында зертхана ашу көзделіп отыр. Онда мамандар ұсақ малдардың түрлі қауіпті дерттерге шалдығу қаупін алдын алу үшін тиісті тексерулер жүргізіп отырады. Нысанды жүзеге асыру барысында 1200 адам тұрақты жұмысқа орналасатын болады. Нысанның қуаттылығына қарай алаңда «Еділбай», «Романовская» және «Меринос» тұқымдарының 100 000 басы бордақыланады.
Өнім ТМД және Туркия елдеріне экспортталады. Қазіргі таңда «Salurbey Group» компаниясы мен Түркия ауыл шаруашылығы министрлігінің арасында экспорт бойынша келісімшарт түзілген.
343 рет оқылды
  • 6
    Поделились

Добавить комментарий

Ваш e-mail не будет опубликован. Обязательные поля помечены *