ТҮРКІСТАН ОБЛЫСЫНЫҢ ЖЕДЕЛ ЖӘРДЕМ ҚЫЗМЕТКЕРЛЕРІ СУҒА БАТЫП, ӨЗІНЕ ҚОЛ ЖҰМСАМАҚ БОЛҒАН АЗАМАТТЫ АМАН АЛЫП ҚАЛДЫ

Кентау қаласының 42 жасар тұрғыны «Тасарық» су арнасында көпірден секіріп, өз өміріне қол жұмсамақ болған. Бұл туралы Түркістан облысы әкімінің баспасөз қызметі хабарлады.

Абырой болғанда полиция қызметкерлері жігіттің суға батқанын көріп, тез арада құтқарып қалды. Тәртіп сақшылары шұғыл түрде жедел жәрдем қызметкерлерін көмекке шақырған. Құтқару тобы 7 минутың ішінде келіп жеткен. Медицина қызметкерлері келгенде азаматтың тыныс алуы тоқтап, клиникалық өлім орын алған. Оң нәтижелі медициналық көмектің арқасында азамат 2 минуттан соң өзіне келген. Жедел жәрдем көлігімен Кентау қалалық ауруханаға жеткізіліп, қосымша емдік шаралары көрсетілді. Өміріне ешқандай қауіп жоқ.Дәрігерлердің айтуынша өзіне қол жұмсамақ болған науқас жүйке жүйесінің ауытқуы бойынша диспансерлік есепте тұрады.

Жалпы Түркістан облысының жедел жәрдем қызметкерлері жыл басынан бері 160 мыңнан астам шақыртуға шыққан. Оның ішінде10 адамның өміріне араша түсіп,нақты қаперден аман алып қалған.