Шымкентте алғаш рет жеткіншектерді кәсіпкерлікке баулитын жәрмеңке өтті

Шымкентте алғаш рет балалар жәрмеңкесі өтті. Жәрмеңкені «Shymkent» ӘКК» АҚ мен «Nur Otan» партиясының Шымкент қалалық филиалы ұйымдастырған.

Арбатта өткен жәрмеңкеде 6-14 жас аралығындағы 100-ге жуық жеткіншек өздері жасаған тауарлары мен бұйымдарын ұсынды.

– Жәрмеңкенің мақсаты — балаларды кәсіпкерлікке баулу. Осылайша олар бір күн бойы өздерін кәсіпкер ретінде сезініп көреді. Бұл балалардың өз еңбегін бағалауға, қадірлеуге үйретеді әрі жұмыс істеуге қызығушылығын оятады, — деді «Nur Otan» партиясының Шымкент қалалық филиалы төрағасының бірінші орынбасары Б.Нарымбетов.

Ұйымдастырушылар жәрмеңкені аралап көріп, балалардың еңбегімен танысты. Б.Нарымбетов жәрмеңкеде алғаш болып 7 жасар Алина мен 9 жасар Әлімжанның қолөнер бұйымдарын сатып алды.

Дереккөз: «Шымкент келбеті»

129 рет оқылды
  • 4
    Поделились